ՀՕՊ-ն այս գիշեր 12 ուկրաինական ԱԹՍ է ոչնչացրել Ռուսաստանի տարածքում. ՌԴ ՊՆ

Ռուսական հակաօդային պաշտպանության համակարգերն այս գիշեր 12 ուկրաինական անօդաչու սարք են խոցել Ռուսաստանի տարածքում։ Տեղեկությունը հայտնում է ՌԴ պաշտպանության նախարարությունը։

«Հունիսի 15–ի ժամը 23։55–ից մինչև հունիսի 16–ի ժամը 02։45–ն ընկած ժամանակահատվածում ՀՕՊ–ը 12 ուկրաինական անօդաչու թռչող սարք է ոչնչացրել և որսացել։ 11 ԱԹՍ ոչնչացվել է Օրյոլի մարզի տարածքում, 1–ը՝ Վորոնեժի մարզի», - ասված է նախարարության հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։