ՀՕՊ համակարգերը գիշերվա ընթացքում ավելի քան 20 ուկրաինական ԱԹՍ են ոչնչացրել. ՌԴ ՊՆ

Ռուսաստանի հակաօդային պաշտպանությունը գիշերը ոչնչացրել է ուկրաինական 22 անօդաչու թռչող սարք։ Տեղեկությունը հայտնում է ՌԴ պաշտպանության նախարարությունը։

«Անցած գիշեր հերթապահ հակաօդային պաշտպանության համակարգերը որսացել և ոչնչացրել են 22 ուկրաինական անօդաչու թռչող սարք։ Դրանցից ութը ոչնչացվել է Օրյոլի շրջանի, յոթը` Կուրսկի, չորսը` Բրյանսկի, մեկը` Սմոլենսկի և երկուսը` Կրասնոդարի տարածքում»,–ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։