ՀՕՊ ուժերը գիշերվա ընթացքում ուկրաինական 105 ԱԹՍ են ոչնչացրել. ՌԴ ՊՆ

ՀՕՊ ուժերը գիշերվա ընթացքում Մոսկվայի 11 մարզերի երկնքում հարյուրից ավել ուկրաինական անօդաչու են խոցել։ Այս մասին հայտնում է ՌԴ ՊՆ–ն։

«Նախորդ գիշերվա ընթացքում` ժամը 21.00-04.00, ՀՕՊ հերթապահ միջոցները որսացել և ոչնչացրել են ինքնաթիռատիպ 105 ուկրաինական անօդաչու», - ասվում է հաղորդագրության մեջ։

Դրանց մեծ մասը` 32 հատ, ոչնչացվել է Բրյանսկի մարզի վրա։ Բացի այդ, 22 անօդաչու խոցվել է Վորոնեժի երկնքում, 19-ը` Մոսկվայի մարզի, 10-ը` Պենզայի մարզի, 9-ը` Կալուգայի, 6-ը` Բելգորոդի, 2-ական` Լիպեցկի և Սամարայի և մեկական` Վլադիմիրի, Կուրսկի և Ռոստովի մարզի երկնքում։

Կիևը գրեթե ամեն օր անօդաչուներ է ուղարկում Ռուսաստանի սահմանամերձ և կենտրոնական մարզերում գտնվող թիրախների ուղղությամբ։ Հակաօդային պաշտպանության ուժերը հաջողությամբ որսում են թշնամու թռչող սարքերը։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։