Ռուսաստանն ու նոր Սիրիան հաստատում են համագործակցություն

«Բաշար Ասադի ռեժիմի անկումը Մոսկվայի համար, իհարկե, քաղաքական անակնկալ չէր, բայց հնարավոր չէր փոխել իրադարձությունների ընթացքը։ Սակայն նրան հաջողվել է Սիրիայում պահպանել իր ազդեցությունն ու դիրքերը հմուտ դիվանագիտության շնորհիվ, ինչը թույլ է տալիս ուղիներ գտնել Սիրիայի նոր իշխանությունների հետ հետագա համագործակցության համար: Ավելին, պայմաններ են ստեղծվել նաեւ այնտեղ երկու ռազմաբազաների պահպանման համար, ինչը թույլ է տալիս պահպանել ռուսական ազդեցության դիրքերը Մերձավոր Արեւելքում եւ Աֆրիկայում: Ընդ որում՝ Մոսկվան քաղաքական ճկունություն է ցուցաբերում` ճանաչելով Դամասկոսի նոր իշխանությունը, որտեղ ազդեցիկ դեր են պահպանում ծայրահեղական իսլամիստական կառույցներից եկածները, որոնք համարվում են ահաբեկչական», - ասել է Տարասովը:

Ինչ վերաբերում է Դամասկոսի նոր իշխանություններին, ապա օբյեկտիվորեն նրանք շահագրգռված են Ռուսաստանի ներկայության պահպանմամբ` տարածաշրջանում մանեւրելի դիվանագիտույան իրականացման եւ միջազգային լեգիտիմության ամրապնդման համար, շարունակել է քաղաքագետը:

«Ահմեդ Ալ-Շարաան նշել է՝ Ռուսաստանն ու Սիրիան ընդհանուր ռազմավարական շահեր ունեն: Բացի այդ, Սիրիայում ռուսական շահերը բախվում են Արեւմուտքի շահերին, բայց դա չի խանգարի Կրեմլին ապագայում առաջարկել Դամասկոսին միանալ BRICS-ին կամ որպես անդամ, կամ որպես դիտորդ: Իսկ այժմ Մոսկվան կարող է նպաստել ներսիրիական երկխոսության ակտիվացմանը` առաջատար քաղաքական ուժերի եւ բնակչության էթնոկրոնական խմբերի մասնակցությամբ, եւ Սիրիայի նոր վարչակազմի հետ շփումները նոր մակարդակի են հասնում», - ամփոփել է Տարասովը:

Աղբյուրը՝ iarex.ru-ի

Թարգմանությունը՝ Գայանե Մանուկյանի