Համագործակցություն ընտրություններից հետո՞

Հանրության կողմից Քոչարյանի վերադարձի համընդհանուր պահանջ ԱԺ ՀՀԿ խմբակցության պատգամավոր Մկրտիչ Մինասյանը չի տեսնում: Լրագրողների հետ հանդիպման ժամանակ Մինասյանը նկատեց, որ վերադարձի վերաբերյալ Քոչարյանի հարցադրումները բավականին կոռեկտ էին,  ցանկության դեպքում Քոչարյանը կարող է վերադառնալ, բայց դրա իրական հիմքերը Հանրապետական պատգամավորը չի տեսնում:

Մինասյանը չբացառեց yerkir-ի թղթակցի` Քոչարյան-Սարգսյան համագործակցության վերաբերյալ կանխատեսումը, բայց շտապեց ավելացնել, որ նման բան կարող է լինել միայն ընտրություններից հետո: Համագործակցության ձեւաչափի մասին Հանրապետական պատգամավորը խոսել չցանկացավ:

Մինասյանը եւս մեկ անգամ ներկաներին հիշեցրեց, որ 2013թ.-ին կոալիցիան պաշտպանելու է Սերժ Սարգսյանի թեկնածությունը: Yerkir.am-ի այն հարցին, թե համոզվա?ծ եք, որ դա կանեն նաեւ ՕԵԿ-ն ու ԲՀԿ-ն, եւ հատկապես ԲՀԿ-ն, Մինասյանը նշեց, որ համոզված է, այլ տարբերակ էլ չի լինի: