Ռուսաստանն ու Սիրիան տնտեսական համագործակցության մասին համաձայնագիր են նախապատրաստում

Ռուսաստանը և Սիրիան ավարտում են համաձայնագիրը առևտրատնտեսական համագործակցության վերաբերյալ. Դամասկոսում Սիրիայի նախագահ Բաշար ալ-Ասադի հետ հանդիպման ժամանակ ասել է ՌԴ փոխվարչապետ Յուրի Բորիսովը:

«Մենք գտնվում ենք ապագա միջկառավարական համաձայնագրի նախապատրաստման վերջին փուլում, որը երկար ժամանակ կկարգավորի մեր բոլոր առևտրատնտեսական փոխգործակցությունը», - Բորիսովի խոսքերն է մեջբերում «ՌԻԱ Նովոստին»:

Բորիսովը հաստատել է, որ Ռուսաստանը պատրաստ է շարունակել ռազմական ու հումանիտար օգնություն տրամադրել Սիրիային:

2020-ի հոկտեմբերին Մոսկվայում սիրիական պատվիրակությունը քննարկել էր Ռուսաստանի և Սիրիայի Արաբական Հանրապետության տնտեսական համագործակցությունը:

Խոսքը գնում էր առևտրի, գյուղատնտեսության և արդյունաբերության, ինչպես նաև էներգետիկայի, տրանսպորտի և ջրամատակարարման ոլորտներում նախագծերի իրականացման մասին: