Հայաստանի անդամակցությունը ԵՄ-ին կփակի ԵԱՏՄ շուկան ՀՀ–ի համար, Երևանում դա գիտեն. Օվերչուկ

Հայաստանի անդամակցությունը ԵՄ-ին կփակի ԵԱՏՄ շուկան ՀՀ–ի համար, Երևանում դա գիտեն։ Այս մասին հայտարարել է ՌԴ  փոխվարչապետ Ալեքսեյ Օվերչուկը։

«Մարդիկ, ովքեր պնդում են, թե ինչ-որ լուծում կարելի է գտնել, մեղմ ասած, մոլորեցնում են հայ ժողովրդին։ Լուծումը շատ ակնհայտ է՝ Եվրամիության հետ շուկաների բացումը կնշանակի Եվրասիական տնտեսական միության շուկաների փակում։ Ակնհայտ է, որ ԵՄ-ի հետ ներմուծման մաքսային դրույքաչափերի զրոյացումը մեխանիկորեն կնշանակի վերադարձ ԵԱՏՄ-ի հետ մաքսային սակագնին։ Այստեղ ոչ ոք չպետք է պատրանքներ ունենա»,- ասել է նա։

Նրա խոսքով` Հայաստանը ԵԱՏՄ-ում ակտիվ դերակատարում ունի և իրեն կառուցողական է պահում, իսկ Ալմաթիում կայանալիք Եվրասիական միջկառավարական խորհրդի նիստում հարցը չի քննարկվի։