ԱՄՆ-ը կարող է խստացնել Ռուսաստանի դեմ պատժամիջոցները․ Թրամփ

ԱՄՆ-ը կարող է խստացնել Ռուսաստանի դեմ պատժամիջոցները, եթե Մոսկվան հրաժարվի բանակցությունների սեղանի շուրջ նստել Ուկրաինայի հետ ռազմական հակամարտությունը լուծելու համար, Սպիտակ տանը լրագրողներին ասել է ԱՄՆ նորընտիր նախագահ Դոնալդ Թրամփը։ Նա հայտնել է Պուտինի հետ ցանկացած պահի հանդիպման իր պատրաստակամության մասին, եթե ռուսական կողմը ևս ցանկություն ունենա։

«Ուկրաինայի նախագահ Վլադիմիր Զելենսկին խաղաղություն է ցանկանում», - ասում է Թրամփը, - «բայց տանգոյի համար անհրաժեշտ է երկուսը»: «Կտեսնենք, թե ինչ կլինի»,- հավելել է նա։

Խոսելով Կիև զենքի հետագա մատակարարումների մասին՝ ամերիկացի առաջնորդն ասել է, որ ԱՄՆ-ն «ուսումնասիրում է այդ հարցը»։