Կանադայում ինքնաթիռը վայրէջք կատարելիս բոցավառվել է. օդանավակայանը ժամանակավորապես փակվել է

Կանադայի Հալիֆաքս օդանավակայանը շաբաթ երեկոյան ժամանակավորապես փակվել է այն բանից հետո, երբ Սենթ Ջոնսից ժամանող ինքնաթիռը վայրէջքի հետ կապված դժվարություններ է ունեցել, ինչի հետևանքով ինքնաթիռը դուրս է եկել թռիչքուղուց,  դրա մի մասը բոցավառվել է, հաղորդում է CBC News-ը:

Օդանավակայանի տարածած հաղորդագրության մեջ ասվում է, որ միջադեպը տեղի է ունեցել Air Canada 2259 չվերթի հետ, որն իրականացնում էր PAL Airlines-ը: Միջադեպը տեղի է ունեցել տեղական ժամանակով 21։30-ի սահմաններում։

Հայտարարության մեջ չի նշվում, թե քանի մարդ է եղել ինքնաթիռում։ Ինքնաթիռում գտնվող մարդկանց տարհանել են, ապա տեղափոխել անգար՝ բուժզննության համար: Լրատվամիջոցի գնահատմամբ, ինքնաթիռը կարող էր տեղավորել մոտ 80 ուղևոր։