Բելառուսում մարտական ​​պատրաստության ստուգման շրջանակում վայրէջք կատարելիս երկու ռուս զինվոր է մահացել

Բելառուսում մարտական պատրաստության անսպասելի ստուգման ժամանակ վայրէջք կատարելիս երկու ռուս զինվոր է մահացել։ Այս մասին ուրբաթ օրը լրագրողներին հայտնել է ՌԴ ՊՆ-ն։

«Հանկարծակի ուժեղ քամու հետևանքով երկու պայմանագրային զինծառայող դեսանտայիններ են ընկել, որոնք ունեին պարաշյուտային պատրաստման բարձր որակավորում։ Չնայած բժիշկների ջանքերին՝ երկուսն էլ ստացած վնասվածքներից մահացել են»,- հայտնել է գերատեսչությունը։

Գրոդնոյում վայրէջքի ժամանակ զոհված երկու ռուս զինծառայողներից մեկը պահեստային պարաշյուտի միջոցով փորձել է փրկել երկուսին էլ։ «Զինծառայողներից մեկը փորձել է կասեցնել երկուսի անվերահսկելի անկումը` կիրառելով իր պահեստային պարաշյուտը»,- ասվում է հաղորդագրության մեջ։

«Դեպքի բոլոր հանգամանքները պարզվում են», - հավելել է ՌԴ պաշտպանության նախարարությունը։