Ագրարայինի Թոռնիկն ու տերերը ևս մեկ անգամ բացահայտվեցին

Կիրակի Հանրային հեռուստաընկերության եթերում հեռարձակվեց «Հայ-ադրբեջանական խաղաղության գործընթացը» թեմայով ԿԳՄՍ նախարար տիկին Ժաննայի ամուսնու՝ պարոն Պետրոսի կազմակերպած բանավեճը՝ քպականների և խորհրդարանական ընդդիմության ներկայացուցիչների միջև:

Իշխանական պատգամավորների թիկունքում տեղ էր զբաղեցրել և նրանց անբովանդակ մտքերին ինքնամոռաց արձագանքում և ծափահարում էր Ավետիք Չալաբյանի գործով հռչակավոր դարձած Ագրարային համալսարանի ուսխորհրդի նախագահ հանդես եկող Թոռնիկը: Ի դեպ, ագրարայինից Թոռնիկը միայնակ չէր եկել բանավեճին: Կադրերում նկատելի էր նաև համալսարանի հոգաբարձուների խորհրդի անդամ ուսանողներից մեկը:

Yerkir.am-ն ամփոփ ներկայացնում է Չալաբյանի ձերբակալությունից հետո /մայիս, 2022թ./ Թոռնիկի կյանքում կատարված դրական փոփոխություների ժամանակագրությունն ու փաստերը:

1. Ագրարային համալսարանի նախկին ռեկտոր Վարդան Ուռուտյանը գիտական խորհրդի 2022թ. մայիսի 17-ի նիստում շնորհակալություն է հայտնել Թոռնիկին

2. Ագրարայինի ռեկտոր Վարդան Ուռուտյանը Թոռնիկին նշանակում է Ոսկեհատի ուսումնափորձնական տնտեսության տնօրեն

3. Վարդան Ուռուտյանը Թոռնիկին նշանակում է համալսարանի մարքեթինգի և զարգացման բաժնի առաջատար մասնագետ:

4. Թոռնիկը դառնում է համալսարանի հոգաբարձուների խորհրդի անդամ

5. Թոռնիկը երկրորդ անգամ ընդունվում է մագիստրատուրա

6. Թոռնիկը ձևակերպվում է որպես հայցորդ

7. Թոռնիկը պաշտոնի է նշանակվում Սննդամթերքի անվտանգության տեսչական մարմնում

Զավեշտն այն է, որ այս ողջ ժամանակահատվածում Թոռնիկի բոլոր ձեռքբերումներն ու առաջխաղացումներն ապօրինի են: Համալսարանի վարչական և պետական կառավարման մարմնի անդամ աշխատող Թոռնիկը ներկայանում է որպես ուսանողական ինքնակառավարման մարմնի ուսխորհրդի նախագահ կամ հոգաբարձուների խորհրդի ուսանողության քվոտայով նշանակված անդամ:

Ի դեպ, Թոռնիկի ինքնակոչ լինելը հաստատել է անգամ վերոնշյալ բանավեճի կազմակերպիչ պարոն Պետրոսի կնոջ՝ տիկին Ժաննայի ենթական, Բարձրագույն կրթության և գիտության կոմիտեի նախագահ Սարգիս Հայոցյանը։

Փաստորեն, Թոռնիկի ծառայություններից օգտվողները արդեն որոշել են բաց օգտագործել նրա հմտությունները: