Ագրարային համալսարանը ծանր կորուստ է կրել. Թոռնիկն այլևս հոգաբարձուների խորհրդի անդամ չէ

Վարչապետի որոշմամբ ագրարային համալսարանի ուսխորհրդի նախագահ, հասարակական-քաղաքական գործիչ Ավետիք Չալաբյանի գործով հայտնի Թոռնիկն այլևս ագրարային համալսարանի հոգաբարձուների խորհրդի անդամ չէ:

Թոռնիկը խորհրդի կազմում ընդգրկված էր ապօրինի՝ երեք հանգամանքով:

Առաջինը, որ օրենքով ուսանողության կողմից խորհրդի անդամ կարող էր առաջադրվել ուսանողը կամ ասպիրանտը, և ոչ մի դեպքում հայցորդ Թոռնիկը:

Երկրորդը, համալսարանի կանոնադրության համամաձայն ուսխորհրդի նախագահ Թոռնիկը ի պաշտոնե չէր կարող ընդգրկվել հոգաբարձուների խորհրդի կազմում:

Եվ վերջինը, Բարձրագույն կրթության և գիտության կոմիտեի նախագահ Սարգիս Հայոցյանի հավաստմամբ ագրարայինի ուսանողական խորհրդի կանոնադրությունը օրենքով սահմանված կարգով հաստատված չէ ԿԳՄՍ նախարարության կողմից, և հետևաբար դե յուրե գոյություն չունեցող ուսանողական կառույցը չէր կարող առաջադրել ինքնահռչակ կառույցի ինքնահռչակ ղեկավար Թոռնիկի թեկնածությունը:

Ինչևէ, ագրարայինը ծանր կորուստ է կրել, և համալսարանի աննախադեպ վերելքն ու ճախրանքն այլևս վտանգի տակ են: