Ագրարայինի Թոռնիկն ինքնակո՞չ է, թե՞ ոչ․ կպարզաբանի ԿԳՄՍ նախարարությունը

«Կրթության մասին» ՀՀ օրենքի 28-րդ հոդվածով նախատեսվում է, որ բուհի ուսանողական խորհրդի կանոնադրությունը հաստատվում է կրթության պետական կառավարման լիազոր մարմնի կողմից:

Yerkir.am-ի տեղեկություններով ԿԳՄՍ նախարարի հրամանով հաստատված չէ Հայաստանի ազգային ագրարային համալսարանի ուսանողական խորհրդի կանոնադրությունը:

Yerkir.am-ը հարցում է ուղարկել ԿԳՄՍ նախարարություն նշված հարցի վերաբերյալ պարզաբանում ստանալու ակնկալիքով: Ուսխորհրդի կանոնադրության նախարարության կողմից չհաստատված լինելու պարագայում, ստացվելու է, որ ագրարայինի ուսանողական խորհուրդը լեգիտիմ չէ, իսկ խորհրդի նախագահ ներկայացող, Ավետիք Չալաբյանի գործով հայտնի Թոռնիկն ինքնակոչ է: