Սիրիայում իշխանություն վերցրած ընդդիմությունը ցանկանում է ցրել բոլոր զինված խմբավորումները

Սիրիայում իշխանության եկած խմբավորումների անդամները քննարկում են իշխանության փոխանցումը և անարխիայի կանխարգելումը, ՌԻԱ Նովոստիին հայտնել Է ընդդիմության ներկայացուցիչը:

«Ընթանում է «Հայաթ Թահրիր աշ-Շամ» խմբավորման ղեկավար Ահմեդ աշ-Շարաայի, Սիրիայի կառավարության վարչապետ Մուհամմեդ ալ-Ջալալիի և Իդլիբում աշխատող փրկության կառավարության ղեկավար Մուհամեդ ալ-Բաշիրի հանդիպումը: Հանդիպումը գումարվել է իշխանության փոխանցման քայլերը որոշելու և Սիրիայում անարխիան կանխելու համար», - ասել է գործակալության զրուցակիցը։

Առաջարկվող քայլերի թվում են.

- կազմալուծել բոլոր ռազմականացված խմբավորումները և միավորել դրանք ռազմական գործողությունների կառավարման ղեկավարության ներքո

- լուծարել բոլոր ընդդիմադիր միավորումները, ազգային կոալիցիան, բանակցային կոմիտեն

- գործել միասնական կառավարության հովանու ներքո

- հայտարարել անցումային իշխանության մարմնի ձևավորման մասին: