Ռուսաստանի տարածքում ոչնչացվել է 13 ուկրաինական անօդաչու թռչող սարք

Ռուսական հակաօդային պաշտպանության համակարգերն անցած գիշեր Բելգորոդի, Ռոստովի և Աստրախանի շրջանների վրա ոչնչացրել են ուկրաինական 13 անօդաչու թռչող սարքեր, հայտնում է ՌԴ ՊՆ-ն։

«Անցած գիշերվա ընթացքում կանխվել է Կիևի ռեժիմի ՝ Ռուսաստանի Դաշնության տարածքում գտնվող օբյեկտների ուղղությամբ օդային տիպի ԱԹՍ-ների կիրառմամբ ահաբեկչական հարձակում իրականացնելու փորձը։ ՀՕՊ-ի հերթապահ միջոցները որսացել և ոչնչացրել են ուկրաինական 13 անօդաչու թռչող սարք․ ութ ԱԹՍ Բելգորոդի մարզի տարածքում, երեքը՝ Ռոստովի և երկուսը՝ Աստրախանի մարզի տարածքում», - ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։