Ռուսաստանի ՀՕՊ-ը գիշերը ՌԴ տարածքում խոցել է ավելի քան 20 ուկրաինական անօդաչու թռչող սարք

Հակաօդային պաշտպանության համակարգերը գիշերը ոչնչացրել են 21 ուկրաինական անօդաչու թռչող սարք, հայտնում է Ռուսաստանի պաշտպանության նախարարությունը։

«Անցած գիշեր՝ օգոստոսի 24-ի Մոսկվայի ժամանակով ժամը 23:00-ից մինչև օգոստոսի 25-ի Մոսկվայի ժամանակով ժամը 7:00-ն, հերթապահության մեջ գտնվող հակաօդային պաշտպանության համակարգերը որսացել և ոչնչացրել են ինքնաթիռային տիպի 21 ուկրաինական անօդաչու թռչող սարք», - ասվում է հաղորդագրության մեջ։

Նշվում է, որ Սմոլենսկի մարզի վրա խոցվել է 7 անօդաչու թռչող սարք, Բրյանսկի մարզի վրայով՝ 6, Օրյոլի և Մոսկվայի մարզերի վրայով՝ երեքական (ներառյալ Մոսկվա թռչող 2 անօդաչու թռչող սարք), մեկական՝ Կալուգայի և Տվերի մարզերի վրայով։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։