Քաոս` Երևանի սրտում. լույսերի միացման միջոցառումը վերածվեց հրմշտոցի ու քաշքշուկի

Երեկ երեկոյան Երևանում տեղի ունեցած տոնական լույսերի բացման արարողությունը, որը կոչված էր քաղաքը լցնելու տոնական տրամադրությամբ, ցնցող տեսարաններով ավարտվեց։ Սպասված միջոցառման բազմամարդությունը վերածվեց հրմշտոցի, մարդկանց քաշքշուկի և անգամ ուշագնացության դեպքերի։

Տեսանյութերում հստակ երևում է, թե ինչպես տոնական լույսերի բացման պահին քաղաքացիները փորձում են տեղաշարժվել՝ ճնշելով և հրմշտելով միմյանց։ Երեխաները, տարեցները և կանայք հայտնվել են լուրջ վտանգի մեջ, երբ ամբոխը դուրս է եկել վերահսկողությունից։ Որոշ մասնակիցների ինքնազգացողությունը վատացել էր։

Հարց է առաջանում՝ արդյո՞ք նման մասշտաբային միջոցառումների անվտանգությունն ու կազմակերպչական աշխատանքները պատշաճ մակարդակի վրա են։ Միջոցառումների անվտանգությունն ապահովող մարմինների պատասխանատվությունն ու նախապատրաստությունը շատերի մոտ կասկածի տակ են։

Փաստ է միայն, որ անվտանգության առումով երկիրը նոր արհավիրքի շեմին հասցրած Փաշինյանի իշխանությունն անգամ ի վիճակի չէ սովորական տոնական խրախճանք կազմակերպել։ Վկա` երեկվա տոտալ «բարդակը» , երբ անգամ Երևանի սրտում չէին կարողացել թե' ապահովել քաղաքացիների անվտանգությունը, թե'  կանոնակարգել մարդկանց մասնակցությունը տոնական միջոցառմանը։

Մանրամասն՝ տեսանյութում