Սիրիայում զինյալները սկսել են կառավարվող հրթիռներ արտադրել

Ռուսաստանում արգելված Հայաթ Թահրիր ալ-Շամ ահաբեկչական խմբավորման զինյալները սկսել են կառավարվող հրթիռներ արտադրել, գրում է Financial Times-ը՝ վկայակոչելով փորձագետներին։

«Հայաթ Թահրիր ալ-Շամ-ը ներդրումներ է կատարել հեռահար հրթիռների, հրթիռների և ականանետների արտադրության մեջ։ Իրենց հարձակման ընթացքում գրոհայինները ցուցադրել են նոր կառավարվող հրթիռային համակարգ, որի մասին քիչ բան է հայտնի», - ասվում է զեկույցում:

Ամերիկյան Մերձավոր Արևելքի ինստիտուտի վերլուծական կենտրոնի ավագ գիտաշխատող Չարլզ Լիսթերի խոսքով՝ խոսքը «առջևի մասում հսկայական մարտագլխիկով տպավորիչ հրթիռի մասին է»։ Ինչպես նշում է Financial Times-ը, ենթադրվում է, որ հրթիռը կկոչվի Քայսար։

Բացի այդ, ինչպես նշում է թերթը, զինյալները արտադրում են նաև անօդաչու սարքեր, որոնք արդեն օգտագործում են հարվածներ հասցնելու համար։ Ըստ մասնագետների՝ արտադրությունն իրականացվում է տներում, ավտոտնակներում կամ վերափոխված պահեստներում տեղակայված փոքր արտադրամասերում։ Միաժամանակ դիմում են 3D տպիչների, երբ չեն կարողանում որոշ մասեր ստանալ։

Հիշեցնենք՝ նոյեմբերի 27-ին «Ջեբհաթ ան Նուսրա»-ի զինյալները խախտել են հրադադարի մասին համաձայնագիրը և գրոհել Սիրիայի Հալեպ և Իդլիբ Նահանգների վրա: Սիրիական բանակին աջակցում են Ռուսաստանի օդատիեզերական ուժերը՝ հարվածներ հասցնելով ահաբեկիչների տեխնիկային, կառավարման կետերին, պահեստներին և հրետանային դիրքերին։ Նոյեմբերի 30-ին հայտնի դարձավ, որ թուրքամետ արմատական խմբավորումները գիշերվա ընթացքում գրեթե ամբողջությամբ գրավել են Սիրիայի Հալեպ քաղաքը, իսկ Հալեպի գլխավոր հյուպատոսությունն ու Հայկական մարդասիրական առաքելությունը տարհանվել են։