Իրանի նախագահը չի մասնակցի COP 29-ի համաժողովին

«Իրանն այսօր». Իրանական ԶԼՄ-ները հայտնում են, որ Իրանի նախագահ Մասուդ Փեզեշքիանը չի մասնակցելու Բաքվում COP29-ի համաժողովին:

Ըստ ԶԼՄ-ների՝ Փեզեշքիանը չի մեկնի Բաքու, քանի որ շատ երկրների առաջնորդներ չեն մասնակցելու համաժողովին, բացի այդ՝ Բաքվում է լինելու Իսրայելի նախագահը:

Ավելի վաղ, ադրբեջանական ԶԼՄ-ներն Իրանի դեսպանատանը հղումով հայտնել էին, որ Փեզեշքիանը մեկնելու է Բաքու: Իրանում դա քննադատության ալիք էր բարձրացրել: Հոգևոր առաջնորդին հարող «Քայհան» օրաթերթի գլխավոր խմբագիրը, իսրայելական կողմի ներկայության պատճառով, Փեզեշքիանին կոչ էր արել չմեկնել Բաքու և բողոք հղել Ադրբեջանին՝ Իսրայելին վառելիք մատակարարելու համար: