Զելենսկին չի մասնակցի G20-ի գագաթաժողովին, եթե դրան մասնակցի Պուտինը

Ուկրաինայի նախագահ Վլադիմիր Զելենսկին չի մասնակցի G20-ի գագաթաժողովին, որը կկայանա նոյեմբերին Ինդոնեզիայում, եթե այնտեղ լինի ՌԴ նախագահ Վլադիմիր Պուտինը։

ՈւՆԻԱՆ-ը հայտնում է, թե Զելենսկին հայտարարել է, որ չի հետեւում G20-ի մյուս անդամների մասնակցությանը։

«Իմ դիրքորոշումն անձնական է, եւ Ուկրաինայի դիրքորոշումն այն է, որ եթե Ռուսաստանի Դաշնության ղեկավարը մասնակցի, ապա Ուկրաինան չի մասնակցի»,- ասել է նա՝ հավելելով, որ Ուկրաինան պատրաստվում է առաջիկա գագաթաժողովին։

Նա հիշեցրել է, որ այսօր Ինդոնեզիայի նախագահի հետ քննարկել է գագաթաժողովի նախապատրաստումը։ «Ամեն դեպքում, այսօր մեզ նորից հրավիրեցին։ Դեռ կտեսնենք, մի քանի օր է մնացել»,- ասել է Զելենսկին։