Ռուսաստանի ներկայացուցիչները չեն մասնակցի Մյունխենի համաժողովին

Ռուս պաշտոնյաները չեն մասնակցի Մյունխենի անվտանգության առաջիկա համաժողովին. հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«ՌԴ ԱԳՆ-ի տվյալներով՝ ռուս պաշտոնյաները տարբեր պատճառներով չեն մասնակցի այս տարվա փետրվարի 18-20-ը կայանալիք՝ Մյունխենի անվտանգության քաղաքականության  համաժողովի առաջիկա հանդիպմանը»,- ասել է նա չորեքշաբթի կայացած ճեպազրույցում։

Զախարովայի խոսքով՝ վերջին տարիներին այս իրադարձությունը գնալով վերածվում է «տրանսատլանտյան ֆորումի»՝ կորցնելով իր ներառականությունն ու օբյեկտիվությունը։

Ավելի վաղ՝ հունվարի 27-ին, ՌԴ նախագահի խոսնակ Դմիտրի Պեսկովը հայտարարել էր, որ Վլադիմիր Պուտինը չի մասնակցի Մյունխենի անվտանգության համաժողովին։