Ագրեսոր Ալիեւը բարձրաձայնել է, որ բարձունքներ գրավելը հեռահար նպատակ է ունեցել

Ագրեսոր Ադրբեջանի նախագահ Իլհամ Ալիեւը բարձրաձայնել է, որ Արցախում բարձունքները գրավելը հեռահար նպատակ է հետապնդել։

«Այն բանից հետո, երբ Ադրբեջանը վերահսկողություն հաստատեց կարևոր բարձունքների վրա, Ղարաբաղում և Հայաստանում պարզ էր՝ կամ նրանք կենթարկվեն Ադրբեջանի օրենքներին, կամ կհանձնվեն, կամ կկործանվեն: Մենք նրանց ընտրություն ենք տվել, բայց նրանք դեռ ճիշտ որոշում չեն կայացրել, դեռ հավատում էին, որ ինչ-որ մեկն իրենց կօգնի, ինչ-որ մեկը կստիպի Ադրբեջանին հրաժարվել իր գործից»,- նշել է Ալիեւը։

Նա ասել է, որ ընդամենը մի քանի ժամում 2023 թվականի սեպտեմբերին իրականացված գործողությունը նրանց ևս մեկ դաս է եղել ու հիմա Ղարաբաղի հողի վրա արցախցիների հետքն էլ չի մնացել։

Նշենք, որ նույն քաղաքականությունն Ալիեւը վարում է նաեւ Հայաստանի նկատմամբ ու գրավում բարձունքները՝ Գեղարքունիքում, Վայոց Ձորում՝ զինված գործողությունների արդյունքում, իսկ Սյունիքում 2020 թ., Տավուշում՝ 2023 թ., բարձունքները նրան զիջեց Փաշինյանը։