ԱՄՆ-ում McDonald՛s-ի դեմ կոլեկտիվ հայց են ներկայացրել

Սպառողները կոլեկտիվ դատական հայց են ներկայացրել McDonald's ընկերության դեմ ՝ ռեստորանների ցանցի բուրգերներում աղիքային ցուպիկի հայտնաբերումից հետո, հաղորդում է Reuters գործակալությունը:

Ավելի վաղ NBC News հեռուստաալիքը հայտնել էր, որ ամերիկուհի Կլարիսա դե Բոկը, որը բնակվում է Նեբրասկա նահանգում, դատական հայց է ներկայացրել McDonald's ընկերության դեմ այն բանից հետո, երբ դարձել է աղիքային ցուպիկով զանգվածային վարակման զոհ, որն ընդգրկել է ԱՄՆ տասը Նահանգներ:

«Չիկագոյի Դաշնային դատարան ներկայացված հայցում Ամանդա Մաքքրեյը և Ուիլյամ Մայքլ Քրաֆթը հայտարարել են, որ այս ամիս քառորդ ֆունտանոց բուրգերներ գնելուց հետո զգացել են աղիքային ցուպիկի հետ կապված բազմաթիվ ախտանիշներ», - ասվում է գործակալության հաղորդագրության մեջ:

Հայցվորները վնասի փոխհատուցում են պահանջել բոլոր ամերիկացիների համար, ովքեր վարակվել են բուրգերներից: Նրանք նաև ասացին, որ չէին գնի իրենց բուրգերները, եթե ընկերությունը զգուշացներ հաճախորդներին աղտոտման ռիսկերի մասին: