կարևոր
1993 դիտում, 3 ամիս առաջ - 2023-11-14 23:53
Աշխարհ Քաղաքական

Թուրքիան Նեթանյահուի դեմ հայց է ներկայացրել ՄՔԴ՝ նրան մեղադրելով պաղեստինցիների դեմ ցեղասպանության մեջ

Թուրքիան Նեթանյահուի դեմ հայց է ներկայացրել ՄՔԴ՝ նրան մեղադրելով պաղեստինցիների դեմ ցեղասպանության մեջ

Իսրայելի վարչապետ Բենյամին Նեթանյահուի դեմ հայցն առայժմ չի ուղարկվել Միջազգային քրեական դատարան, այլ քննվում է Թուրքիայի արդարադատության նախարարությունում, ՏԱՍՍ-ին հայտնել է խնդրագրի նախաձեռնողներից փաստաբան Բուրաք Բեքիրօղլուն:

Ավելի վաղ Թուրքիայի իշխող «Արդարություն և զարգացում» կուսակցությունը Նեթանյահուի դեմ հայց էր ներկայացրել ՄՔԴ՝ նրան մեղադրելով Գազայի հատվածում ցեղասպանության մեջ:

Բեքիրօղլուի խոսքով՝ դիմումը փոխանցվել է Ստամբուլի գլխավոր դատախազության կոռուպցիայի դեմ պայքարի միջազգային իրավունքի բյուրոյին: «Այսօր այս բյուրոն դիմում է ուղարկել Արդարադատության նախարարության արտաքին հարաբերությունների գլխավոր վարչություն՝ UYAP [էլեկտրոնային] համակարգով։ Այն իր հերթին մեր հայտի ֆիզիկական տարբերակը կուղարկի ՄՔԴ դատախազություն», - մանրամասնել է գործակալության զրուցակիցը։

Դիմումը ՄՔԴ-ին կներկայացվի ոչ ուշ, քան հաջորդ շաբաթ, հստակեցրել է փաստաբանը։ Հայցի նախաձեռնողները հույս ունեն հետաքննություն սկսել Իսրայելի վարչապետի դեմ, որպեսզի Գազայում «դանդաղեցնեն բռնությունը»: