ԱՄՆ-ում կկայանա ընտրությունների 2-րդ կարևոր փուլը

ԱՄՆ-ում երկուշաբթի կկայանա նախագահի ընտրությունների գործընթացի կարևոր փուլերից մեկը. հայտնում է РИА Новости-ն:

Երկրի 50 նահանգներից յուրաքանչյուրում, ինչպես նաև Կոլումբիայի շրջանում կհավաքվեն 538 ընտրիչները, որոնք կքվեարկեն ԱՄՆ նախագահի թեկնածուների օգտին:

ԱՄՆ-ում ընտրական համակարգը երկաստիճան է: Գլխավոր ընտրությունները կայացել են նոյեմբերի 8-ին, և հաղթանակ է տարել Դոնալդ Թրամփը: Նա ստացել է ընտրիչների` անհրաժեշտ 270 ձայնի փոխարեն 306-ը: Այժմ այդ «ժողովրդական ընտրյալները» պետք է հանդիպեն` սեփական քվեարկությունն անցկացնելու համար: Տեսականորեն նրանք կարող են չհաստատել գլխավոր ընտրությունների արդյունքները, սակայն նման բան  ԱՄՆ-ի պատմության մեջ չի եղել: