Փոխարժեքներ
21 09 2024
|
||
---|---|---|
USD | ⚊ | $ 387.27 |
EUR | ⚊ | € 432.15 |
RUB | ⚊ | ₽ 4.18 |
GBP | ⚊ | £ 514.49 |
GEL | ⚊ | ₾ 142.02 |
Բելառուսի նախագահը Ալեքսանդր Լուկաշենկոն շնորհավորել է Հայաստանի նախագահ Վահագն Խաչատուրյանին և Հայաստանի ժողովրդին Անկախության օրվա առթիվ: Sputnik Բելառուսի փոխանցմամբ՝ Լուկաշենկոն նշել է, որ Բելառուսին և Հայաստանին միավորում են բարեկամության ամուր կապերը, ընդհանուր պատմությունը, ավանդական ընտանեկան և քրիստոնեական արժեքները:
«Բելառուսը և Հայաստանը կապված են բարեկամական ամուր կապերով, ընդհանուր պատմությամբ, ավանդական ընտանեկան և քրիստոնեական արժեքներով», - ասվում է շնորհավորանքում։
Երկրի ղեկավարը նշել է, որ բելառուսին և հայ ժողովրդին միավորել է Հայրենական մեծ պատերազմում տարած հաղթանակը, Սպիտակի ավերիչ երկրաշարժի հետևանքների վերացումը, ինչպես նաև մասնակցությունը ինտեգրացիոն կառույցներին և սերտ գործարար գործընկերությունը։
Լուկաշենկոն վստահություն է հայտնել, որ ներկա պայմաններում գոյատևելու և հաջողությամբ զարգանալու համար անհրաժեշտ է միավորում և համագործակցություն։
«Մինսկը կշարունակի հանդես գալ Երեւանի հետ փոխադարձ հարգալից և կառուցողական երկխոսության ընդլայնման օգտին»,- ասել է նախագահը։