Վարդենուտցիները կառավարությունից պահանջում են իրենց հողերը

Արագածոտնի մարզի Վարդենուտ գյուղի բնակիչները կաառավարության շենքի դիմաց բողոքի ակցիա են անում։ Նրանք կառավարությունից պահանջում են իրենց հողերը, որոնք ճանաչվել են գերակա շահ, փոխհատուցում տրամադրել։

Գյուղացիները 1քմ-ի համար 2000 դրամ են պահանջում:

Հիշեցնենք, որ դեռ 2023 թվականի մարտի 2-ի որոշմամբ` ՀՀ կառավարությունը բնակիչների 110 հա տարածքը ճանաչել է հանրային գերակա շահ և որոշել փոխանցել վերը նշված ընկերությանը։ Նախատեսվում է այնտեղ զբոսաշրջությունը զարգացնել` ստեղծել ամառային և ձմեռային զբոսաշրջային, լեռնադահուկային, էկոգյուղատնտեսական արտադրության կենտրոն, «Արագած» ներդրումային ծրագրի շրջանակում էլ կառուցել ջրամբար։

Նշենք, որ վարդենուտցիները փակել էին Երևան–Ապարան ճանապարհը` բողոքելով, որ «Ռիդ» ընկերությունը փորձում է գնել իրենց պատկանող գյուղատնտեսական նշանակության հողատարածքները` վճարելով մոտավորապես 300 դրամ 1 քմ տարածքի համար, ինչից դժգոհ են բնակիչները։