300-ից ավելի նաիրիտցիներ կառավարությունից իրենց 17 ամսվա աշխատավարձն են պահանջում

Այսօր առավոտյան` ժամը 9-ից սկսած, կառավարության շենքը «պաշարված» է հարյուրավոր նաիրիտցիներով, տարբեր խնդիրներով կառավարությունից դժգոհ քաղաքացիներով, խաղաղ պայմաններում զոհված զինծառայողների ծնողներով:

Նաիրիտցիների արհմիությունը ավելի վաղ հայտարարել էր, որ պատրաստվում է բողոքի ցույց կազմակերպել հուլիսի 10-ին կառավարության շենքի դիմաց: Նաիրիտցիները պահանջում են իրենց 17 ամսվա աշխատավարձը, պահանջում են հստակ պատասխան` «Նաիրիտ»-ն աշխատելո՞ւ է, թե՞ ոչ:

«Վերջին անգամ աշխատավարձ ստացել ենք 2012թ. դեկտեմբեր ամսվա համար: Կառավարության անտարբերությունը մեզ սպանում է: Երկու հազար աշխատողը արդեն ժողովուրդ է, կարելի՞ է ժողովրդին անտեսել»,- բողոքում էր «Նաիրիտ»-ի աշխատողներից մեկը:

Նաիրիտցիների պահանջը լսելու համար, մինչև կառավարության նիստը սկսելը,  նրանց մոտեցել էր ՀՀ վարչապետ Հովիկ Աբրահամյանը: Նաիրիտցիները նրան ներկայացրեցին իրենց բողոքը:

Մանրամասները` տեսանյութում: