կարևոր
2047 դիտում, 1 շաբաթ առաջ - 2024-07-11 09:33
Քաղաքական

Արարատ Միրզոյանը վերահաստատել է Բաքվի հետ ամենակարճ ժամկետում խաղաղության պայմանագիր ստորագրելու Երևանի քաղաքական կամքը

Արարատ Միրզոյանը վերահաստատել է Բաքվի հետ ամենակարճ ժամկետում խաղաղության պայմանագիր ստորագրելու Երևանի քաղաքական կամքը

Հայաստանի Հանրապետության արտգործնախարար Արարատ Միրզոյանը Վաշինգտոնում Ադրբեջանի արտգործնախարար Ջեյհուն Բյարամովի և ԱՄՆ պետքարտուղար Էնթոնի Բլինքենի հետ հանդիպումից հետո ևս մեկ անգամ վերահաստատել է Բաքվի հետ խաղաղության պայմանագիրն ամենասեղմ ժամկետներում ավարտին հասցնելու և կնքելու Երևանի քաղաքական կամքը։ Այս մասին ՀՀ ԱԳ նախարար Արարատ Միրզոյանը նշել է X-ի իր միկրոբլոգում կատարած գրառման մեջ։

«Ինչպես հայտարարվել է, Հայաստանն ունի քաղաքական կամք՝ Ադրբեջանի հետ ամենակարճ ժամկետներում ավարտին հասցնելու և կնքելու խաղաղության պայմանագիրը՝ նպատակ ունենալով տևական խաղաղություն և կայունություն հաստատել Հարավային Կովկասում», - գրել է Արարատ Միրզոյանը։