կարևոր
2227 դիտում, 1 ամիս առաջ - 2024-04-17 15:55
Աշխարհ

Բաքուն մեկնաբանել է ռուս խաղաղապահների դուրսբերումը Ղարաբաղից

Բաքուն մեկնաբանել է ռուս խաղաղապահների դուրսբերումը Ղարաբաղից

Ադրբեջանի նախագահի օգնական, նախագահի աշխատակազմի արտաքին քաղաքականության դեպարտամենտի ղեկավար Հիքմեթ Հաջիևը հայտնել է, որ Ղարաբաղի տարածքից ռուս խաղաղապահների վաղաժամկետ դուրսբերման մասին որոշումը կայացվել է Ռուսաստանի Դաշնության և Ադրբեջանի բարձրագույն ղեկավարության կողմից, փոխանցում է РИА Новости-ն։

«Երկու երկրի բարձրագույն ղեկավարությունը որոշում է կայացրել Ադրբեջանի տարածքից վաղաժամկետ դուրս բերելու մասին ռուսական խաղաղապահ կոնտինգենտը, որը ժամանակավորապես տեղակայվել է այստեղ՝ 2020 թվականի նոյեմբերի 10-ի եռակողմ հայտարարության հիման վրա։ Գործընթացն արդեն սկսվել է։ Ադրբեջանի և Ռուսաստանի պաշտպանության նախարարությունները համապատասխան միջոցներ են ձեռնարկում այս որոշումը կյանքի կոչելու համար»,- ասել է Հաջիևը։

Ավելի վաղ հայտնել էինք, որ ՌԴ նախագահի մամուլի քարտուղար Դմիտրի Պեսկովը հաստատել էր, որ սկսվել է ռուս խաղաղապահների դուրսբերումը Լեռնային Ղարաբաղից։