կարևոր
1864 դիտում, 2 շաբաթ առաջ - 2024-04-03 11:02
Քաղաքական

Երևանը Ղարաբաղի հարցով որոշումները կայացրել է ՆԱՏՕ-ի ազդեցության տակ. Զախարովա

Երևանը Ղարաբաղի հարցով որոշումները կայացրել է ՆԱՏՕ-ի ազդեցության տակ. Զախարովա

Հայաստանը Ղարաբաղի վերաբերյալ որոշումները կայացրել է հենց ՆԱՏՕ-ի ազդեցության տակ, իսկ հայտարարությունները, թե իբր Մոսկվան ու ՀԱՊԿ-ը չեն օգնել Հայաստանին տարածաշրջանում իրավիճակի սրման ժամանակ, սուտ են.«Զվեզդա» հեռուստաալիքի «Между тем» հաղորդման եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Դա ճիշտ չէ, դա սուտ է: Այդ որոշումը պաշտոնական Երևանը կայացրել է Արևմուտքի հետ խորհրդակցելուց հետո։ Ես ստի մեջ մեղադրում եմ բոլոր նրանց, ովքեր դավանում և տարածում են Ղարաբաղի վերաբերյալ Երևանի կայացրած որոշումների համար Ռուսաստանի և ՀԱՊԿ-ի մեղավորության գաղափարը», - ասել է Զախարովան։

Արևմտյան երկրները, նրա խոսքով, առաջ էին տանում Լեռնային Ղարաբաղից Հայաստանի պաշտոնական հրաժարման թեման։ Լեռնային Ղարաբաղի բնակիչների իրավունքները ոչ մի կերպ չեն վերագրվել կամ երաշխավորվել այն փաստաթղթերում, որոնք ստորագրվել են ՆԱՏՕ-ի թելադրանքով։

Զախարովան նաև նշել է, որ Հայաստանի և Ադրբեջանի միջև նոր սրացումը կախված է միայն նրանից, թե պաշտոնական Երևանը որքանով թույլ կտա ԵՄ-ին, ԱՄՆ-ին և Բրիտանիային ապակառուցողական ազդեցություն ունենալ տարածաշրջանում և երկրում տիրող իրավիճակի վրա: