Մոսկվայում ահաբեկչության գործով ձերբակալվածների առաջին ցուցմունքները հաստատել են ուկրաինական հետքը․ ՌԴ ԱԴԾ

«Կրոկուս Սիթի Հոլում» ահաբեկչության գործով ձերբակալվածների ցուցմունքները հաստատում են ուկրաինական հետքը, հայտարարել է ԱԴԾ տնօրեն Ալեքսանդր Բորտնիկովը լրագրող Պավել Զարուբինին, ով տեսանյութը տեղադրել է Telegram-ալիքում:

«Նախնական տվյալները, որոնք մենք ստացել ենք ձերբակալվածներից, հաստատում են դա։ Այդ պատճառով էլ հետագայում կլրամշակենք այն տեղեկատվությունը, որը պետք է մեզ ցույց տա՝ իրական է ուկրաինական կողմի ներկայությունն ու մասնակցությունը, թե ոչ։ Համենայնդեպս, դեռ հիմքեր կան ասելու, որ դա հենց այդպես է», - ասել է հատուկ ծառայության ղեկավարը։

Ավելի վաղ հայտնել էինք, որ նա ընդգծել է, որ իսլամիստներն ինքնուրույն չէին կարող նման ահաբեկչություն պատրաստել, «իհարկե, նրանց օգնել են»:

Բորտնիկովն ավելի վաղ հստակեցրել էր, որ պատվիրատուին դեռ չեն պարզել, բայց ԱԴԾ-ում տեսնում են, թե ով է կազմակերպել հարձակումը եւ հավաքագրել կատարողներին։ Նրա խոսքով՝ ահաբեկչությունը ձեռնտու էր արևմտյան հատուկ ծառայություններին և Ուկրաինային՝ Ռուսաստանում իրավիճակը ցնցելու և հասարակության մեջ խուճապ սերմանելու համար: