03 05 2024
|
||
---|---|---|
EUR | ⚊ | 414.92 |
GBP | ⚊ | 485.04 |
GEL | ⚊ | 144.8 |
RUB | ⚊ | 4.22 |
USD | ⚊ | 387.63 |
Հազարավոր պաղեստինամետ ցուցարարներ շաբաթ օրը՝ գործողության համաշխարհային օրվա շրջանակում, քայլերթով անցել են Լոս Անջելեսի կենտրոնով՝ կոչ անելով վերջ տալ Իսրայելի և ՀԱՄԱՍ-ի միջև պատերազմին, գրում է Los Angeles Times-ը:
Պաղեստինյան դրոշներ ու պաստառներ ծածանելով՝ ցուցարարները հավաքվել են քաղաքապետարանի մոտ տեղական ժամանակով ժամը 13:00-ի սահմաններում, նախքան Բրոդվեյով դանդաղ քայլերթը սկսելը՝ վանկարկելով և կրելով պաստառներ «Դադարեցրե՛ք ցեղասպանությունը», «Ազատե՛ք Գազայի 2 միլիոն պատանդներին» և «Անհապաղ դադարեցրեք կրակը» գրություններով:
Խաղաղ ցուցարարների ամբոխը ձգվել է քաղաքի մի քանի թաղամասերով։ Որոշ մասնակիցների հաշվարկներով, բողոքի ակցիային մասնակցել են տասնյակ հազարավոր մարդիկ։ Լոս Անջելեսի ոստիկանական վարչությունը հայտնել է, որ մասնակիցների թվի գնահատական չունի:
Լոս Անջելեսի ոստիկանության ներկայացուցիչը հայտնել է, որ բողոքի ակցիայի ժամանակ վանդալիզմի փաստով չորս ձերբակալություն է իրականացվել՝ երկուսը ծանր հանցագործության, երկուսը մանր իրավախախտման համար: Հինգերորդ անձը բերման է ենթարկվել ձերբակալվածներից մեկին ազատելու փորձի համար, ասել է ներկայացուցիչը։
Նմանատիպ ցույցեր են տեղի ունեցել նաև երկրի խոշոր քաղաքներում, այդ թվում՝ Սան Ֆրանցիսկոյում, Սիեթլում, Նյու Յորքում և Վաշինգտոնում։