կարևոր
1303 դիտում, 1 ամիս առաջ - 2024-02-23 00:36
Հասարակություն

Ֆրանսիայի ԶՈւ նախարար Սեբաստիեն Լըկորնյուի գլխավորած պատվիրակությունը Հայաստանում է. ՀՀ ՊՆ

Ֆրանսիայի ԶՈւ նախարար Սեբաստիեն Լըկորնյուի գլխավորած պատվիրակությունը Հայաստանում է. ՀՀ ՊՆ

Ֆրանսիայի զինված ուժերի նախարար Սեբաստիեն Լըկորնյուի գլխավորած պատվիրակությունը ժամանել է Երևան։ Այս մասին հայտնում է Պաշտպանության նախարարությունը։

«Զվարթնոց» միջազգային օդանավակայանում նրան դիմավորել է ՀՀ պաշտպանության նախարարի տեղակալ, ԶՈՒ Գլխավոր շտաբի պետ, գեներալ-լեյտենանտ  Էդվարդ Ասրյանը։

Լըկորնյուն երկօրյա պաշտոնական այցով Հայաստան է ժամանել ՀՀ պաշտպանության նախարար Սուրեն Պապիկյանի հրավերով։

Ավելի վաղ հաղորդվել էր, որ սա Ֆրանսիայի զինված ուժերի նախարարի առաջին այցն է Հայաստան։

«Ֆրանսիան եւ Հայաստանը պատմական բարեկամական հարաբերություններ ունեն, բայց պաշտպանության ոլորտում հարաբերությունները երկկողմ հարաբերությունների ինտենսիվության մակարդակի չեն եղել»,- հայտնել են Ֆրանսիայի պաշտպանական գերատեսչությունից։

Ֆրանսիական «Le Figaro» պարբերականը հիշեցրել է, որ 2023թ. հոկտեմբերին Ֆրանսիան եւ Հայաստանը ստորագրել են արձանագրություն հակաօդային պաշտպանության վերաբերյալ մտադրությունների մասին, որը ներառում է Thalès ընկերության Ground Master (GM200) երեք ռադարների ձեռքբերման պայմանագիր, որոնք թույլ կտան հայտնաբերել հակառակորդի ինքնաթիռը 250 կիլոմետր հեռվից, ինչպես նաեւ գիշերային տեսանելիության համակարգերի պայմանագիր՝ Safran-ի արտադրության հեռադիտակներ, որոնք տեղ են հասցվել այսօր։