21 05 2024
|
||
---|---|---|
EUR | ⚊ | 421.76 |
GBP | ⚊ | 492.84 |
GEL | ⚊ | 140.96 |
RUB | ⚊ | 4.29 |
USD | ⚊ | 387.97 |
ՀՀ դատախազությունը հետախուզվող ադրբեջանցու հանձնման միջնորդություն է ուղարկել ՌԴ։ Այդ մասին ֆեյսբուքյան իր էջում գրել է ՀՀ գլխավոր դատախազի խորհրդական Լուսինե Մարտիրոսյանը։
«ՀՀ դատախազությունն այսօր ՀՀ իրավասու մարմնից ստացել է Ռուսաստանի Դաշնության իրավապահ մարմինների կողմից նախօրեին հայտնաբերված՝ հետախուզման մեջ գտնվող ադրբեջանցուն ՀՀ–ին հանձնելու վերաբերյալ փաստաթղթերի փաթեթը»,– գրել է նա:
Նշված փաթեթը՝ ՀՀ գլխավոր դատախազության կողմից կազմված հանձնման միջնորդության հետ միասին, ուղարկվել է ՌԴ գլխավոր դատախազություն:
Հիշեցնենք, որ Մոսկվայում, «Դոմոդեդովո» օդանավակայանում ձերբակալվել է ադրբեջանցի հայտնի ֆիթնես մարզիչ Քյամիլ Զեյնալլին։ Այնուհետև ՀՀ ՆԳՆ-ն հաստատել էր, որ նրա նկատմամբ միջպետական հետախուզում կա։ Ավելի ուշ հայտնի դարձավ, որ սույն ադրբեջանցի ռազմական հանցագործը ազատ է արձակվել։