կարևոր
4882 դիտում, 2 ամիս առաջ - 2024-02-21 00:02
Հասարակություն

Արման Անդրեասյանն իր դափնեպսակը խոնարհել է եղբոր՝ հերոս Տարոն Անդրեասյանի հուշարձանին

Արման Անդրեասյանն իր դափնեպսակը խոնարհել է եղբոր՝ հերոս Տարոն Անդրեասյանի հուշարձանին

Ազատ ոճի ըմբշամարտի աշխարհի առաջնության բրոնզե մեդալակիր, Եվրոպայի նորընծա չեմպիոն Արման Անդրեասյանը իր դափնեպսակը խոնարհել է եղբոր՝ հերոս Տարոն Անդրեասյանի հուշարձանին։

Նշենք, որ Տարոն Անդրեասյանը 44–օրյա պատերազմի հերոս է։ Նա միայնակ կռվել է թշնամու մեծաքանակ զինվորների հետ։ Որպեսզի գերի չընկնի, Տարոնը պայթեցրել է իր ձեռքի նռնակը և զոհվել։

Հիշեցնենք՝ Ռումինիայի մայրաքաղաք Բուխարեստում ընթացող ազատ ոճի ըմբշամարտի Եվրոպայի առաջնությունում մեր հավաքականի անդամ Արման Անդրեասյանը (70 կգ), եզրափակիչում 7-3 հաշվով հաղթելով Վրաստանի ներկայացուցչին, նվաճեց Եվրոպայի չեմպիոնի տիտղոսը։ Իր հաղթանակը չեմպիոնը նվիրեց հերոս եղբորը` Տարոն Անդրեասյանին։