Աշտարակի համայնքապետը կրկին պարտվեց․ Անուշ Պողոսյան

«Առողջության իրավունք իրավապաշտպան» ՀԿ նախագահ, առողջապահության փորձագետ Անուշ Պողոսյանը գրում է․

«2023 թվականի փետրվարի 1-ին Աշտարակ խոշորացված համայնքի 8 ամբուլատորիաների տնօրեններին համայնքապետը տեղեկացրել էր, որ նրանք այլևս չեն կարող պաշտոնավարել որպես տնօրեններ:

Տնօրենները այդ որոշումից հետո դիմել էին «Առողջության իրավունք» իրավապաշտպան հասարակական կազմակերպությանը իրենց իրավունքների ոտնահարման հարցով: Մենք շատ երկար համայնքապետարանի աշխատակազմի ղեկավարին բացատրեցինք, որ իրենք օրենսդրական սխալ են գործել, սակայն վերջիններս անդրդվելի էին: Աշտարակի համայնքապետը առհամարեց նաև ՀՀ կառավարություն առընթեր ՀՀ առողջապահական և աշխատանքի տեսչական մարմին/HLIB.am-ի որոշումը:

Դիմեցինք նաև նաև ՀՀ առողջապահության նախարարություն, ՀՀ տարածքային կառավարման և ենթակառուցվածքների նախարարություն / Ministry of Territorial Administration and Infrastructure of Armenia, սակայն այս կառույցներին 8 բժիշկների խնդիրները նույնպես չհետաքրքրեցին........

Հիմա ամենակարևորը...

Այսօր ՎԵՐԱՔՆՆԻՉ ՔԱՂԱՔԱՑԻԱԿԱՆ ԴԱՏԱՐԱՆՈՒՄ (գործ թիվ ԱՐԱԴ/1026/02/23) Աշտարակ խոշորացված համայնքի համայնքապետը, պարտվելուց հետո, չեղյալ է համարել իր իսկ կողմից տրված անօրինական հրամանները:

Հ.Գ. «Առողջության իրավունք» իրավապաշտպան հասարակական կազմակերպությանը միշտ աջակից է լինելու խախտված իրավումքների վերականգնման հարցում.․․»։