կարևոր
2026 դիտում, 4 ամիս առաջ - 2024-01-17 11:59
Հասարակություն

ՀԾԿՀ-ն մերժեց ռուսական «ՄՏՍ»-ին վերակառուցել իր բիզնեսը Հայաստանում

ՀԾԿՀ-ն մերժեց ռուսական «ՄՏՍ»-ին վերակառուցել իր բիզնեսը Հայաստանում

Հանրային ծառայությունները կարգավորող հանձնաժողովն այսօրվա նիստում մերժեց «ՄՏՍ Հայաստան» ընկերության հայտը, որով նախատեսվում էր ընկերության անուղղակի բաժնետեր «Մոբիլնիե Տելեսիստեմի» ՀԲԸ-ի (ՄՏՍ) կողմից ընկերության անմիջական բաժնետեր «ԱՐԱՄԱՅՈ ԻՆՎԵՍԹՄԵՆԹՍ ԼԻՄԻԹԵԴ» ընկերությունից «ՄՏՍ Հայաստան» ՓԲԸ-ի բաժնետոմսերի 100 տոկոսի ձեռքբերումը։

Որոշման համար հիմք է հանդիսացել բարձր տեխնոլոգիական արդյունաբերության նախարարության եզրակացությունը, որով գործարքը մերժվում է, քանի որ ավելի վաղ ՀԾԿՀ-ն հավանություն է տվել «ՄՏՍ Հայաստանի» բաժնետոմսերի վաճառքի մեկ այլ հայտին։

Դրանով ՀԾԿՀ-ն հաստատել էր «Ֆեդիլքո Գրուպ Լիմիթիդ» ընկերության կողմից «ՄՏՍ Հայաստան» ՓԲԸ-ի միակ բաժնետեր «ԱՐԱՄԱՅՈ ԻՆՎԵՍԹՄԵՆԹՍ ԼԻՄԻԹԵԴ» ընկերությունից «ՄՏՍ Հայաստան» ՓԲԸ-ի բաժնետոմսերի 100 տոկոսը ձեռք բերելու վերաբերյալ գործարքը։

Հիշեցնենք, որ ՀՀ հանրային ծառայությունները կարգավոր հանձնաժողովը համաձայնել էր վաճառել ընկերության բաժնետոմսերի 100%-ը։