Պատրա՞ստ եք արդյոք ձեր զավակներին պահել վրաններում անորոշ ժամանակ․ Հոխիկյան

Մեդիափորձագետ Նաիրի Հոխիկյանը գրում է.

«Արցախից ժամանակավորապես բռնի տեղահանված մեր հայրենակիցների մեջ կան շատ մարդիկ, որոնք մտադիր են փախստականի կարգավիճակ ստանալուց հետո հեռանալ Հայաստանից և տեղափոխվել հատկապես եվրոպական երկրներ։

Սիրելի Արցախցիներ, լրիվությամբ հասկանալով ձեր հոգեվիճակը և սոցիալական դժվարությունները, ամեն դեպքում խնդրում եմ հաշվի առեք, որ փախստականի կարգավիճակում արևմտյան երկրներ տեղափոխվող ընտանիքներին տարիներ շարունակ պահում են վրանային ճամբարներում, սարսափելի վատ պայմաններում, և միայն տարիներ հետո տեղավորում բնակարաններում։

Պատրա՞ստ եք արդյոք ձեր զավակներին պահել վրաններում անորոշ ժամանակ։

Ձեր տեղը լինեի, Արցախցու համառությանը հավատարիմ, կմնայի Հայաստանում, որ միասին փոխենք իշխանությունը և միասին ձևավորենք իրական ազգային պետություն' գալիքի հստակ ծրագրով և Արցախի վերադարձի հստակ անելիքով»։