Պատրա՞ստ են արդյոք Ռումինիան և Բուլղարիան Շենգեն գոտի մտնելուն

Գերմանիան և Ֆրանսիան Եվորապական Միությանը կոչ են արել հետաձգել Ռումինիային և Բուլղարիային  Շենգեն գոտի բերելու գործընթացը, քանի որ նրանք մտահոգություններ ունեն այդ երկրների՝ կոռուպցիան և հանցավորությունը կանխելու ունակությունները:

Սևծովյան եևկու երկրները հույս ունեն շենգեն գոտի մտնել մարտ ամսին, բայց Բեռլինը և Փարիզը հավանաբար կխոչըnդոտեն այս գործընթացին:

«Մեր կարծիքով դեռ վաղ է մուտքը Շենգեն գոտի 2011 թ.-ի մարտ ամսին նախատեսել»,- գրել են Ֆրանսիայի և Գերմանիայի ներքին գործերի նախարարները Եվրոպական հանձնաժողովին ուղղված նամակում:

2007 թ.-ի անդամակացությունից հետո Ռումինիայում և Բուլղարիայում շատ քիչ առաջընթաց է գրանցվել կոռուպցիայի և կազմակերպված հանցվաորության դեմ պայքարում:

Ֆրանսիան և Գերմանիան մտահոգված են, քանի որ ապօրինի ներգաղթողները և ապաստան հայցողները կարող են Թուրքիայից մտնել Հունաստան, հետո էլ Ռումինիայից կամ Բուլղարիայից կարող են մուտք գործել Արևմտյան Եվրոպայի երկրներ այն դեպքում, երբ միության կառավարություններից շատերը պայքարում են ներգաղթի դեմ: