Չկա օրենքի կետ, որով հնարավոր լինի բացել երեքից ավելի տեղամասեր․ թիվ 3 ԸԸՀ նախագահ

Ընտրական օրենսգիրքը մեզ պարտադրում է, որ իրականացնենք վերահաշվարկ առնվազն 3 ընտրատեղամասերում․ այս մասին Yerkir.am-ի հետ զրույցում ասաց  թիվ 3 ԸԸՀ նախագահը:

Նրա խոսքով՝ անգամ քվեարկությունների արդյուքները ամփոփելիս չեն ունեցել խախտումների դեպքեր կամ ահազանգ խախտումների մասին։

«Այդ երեք տեղամասերը բացելուց հետո, այլևս ոչ մի տեղամաս չի բացվելու։ Չկա օրենքում նման կետ»,- ասաց Վանուշ Զեյնալյանը։

Հարցին, թե իշխանություններին կհաջողվի երեք ընտրատեղամաս բացելու դեպքում ընտրակեղծիք իրականացնել և ապահովել ևս 200 ձայն ՔՊ թեկնածու Տիգրան Ավինյանի օգտին վստահեցրեց, որ իրենց հանձնաժողովը նման խախտումներ թույլ չի տա։