Երեքից ոչ մեկը. Թևան Պողոսյանը` ՄԻՊ պաշտոնի թեկնածուների մասին

ԱԺ պատգամավոր Թևան Պողոսյանն այսօր լրագրողների հետ հանդիպման ընթացքում անդրադարձավ ՄԻՊ պաշտոնի երեք թեկնածուներին: Նրա խոսքով`երեք թեկնածուներն էլ պետք է ուսումնասիրած լինեն նախկին երեք ՄԻՊ-երի գործունեությունը, ճանապարհը, կատարած սխալները, մոտեցումները և պետք  է ունենան համակարգային փոփոխությունների մոտեցումներ:

«Ինձ ավելի շատ հետաքրքրելու է, թե իրենց տեսլականները ներկայացնելիս ավելի շատ ինչ համակարգային փոփոխության խնդիր են դնելու»,- ասաց պատգամավորը:

Նա ՄԻՊ-ին փորձում է դիտարկել որպես ինստիտուտ, սակայն մարդու տեսակի մասին խոսելիս առանձնացրեց իր թեկնածուին: «Երեքից ոչ մեկը չէ, հանրային սեկտորից է: Ես շատ կցանկանայի, որ Քաղաքացիական հասարակական զարգացման ինստիտուտի  նախագահ Արտակ Կիրակոսյանը լիներ՝ իր մոտեցումներով, նվիրվածությամբ, միջազգային կապերով, համակարգային մոտեցման տեսլականով»,- ասաց Պողոսյանը: