Սիրելի ժողովուրդ, նորից քեզ խաբեցին. Անուշ Պողոսյան

«Առողջության իրավունք» իրավապաշտպան ՀԿ համանախագահ Անուշ Պողոսյանը գրում է.

«Հայաստանի Հանրապետության առողջապահության նախարարության կողմից սույն թվականի մարտ ամսին ազգաբնակչությանը ներկայացվեց արտահիվանդանոցային բժշկական օգնության և սպասարկման ոլորտում իրականացվող և սպասվող <<բարեփոխումների>> մեկնարկի մասին, որին լայն արձագանք տրվեց մամուլի կողմից, քանի որ <<լավ լուրը>> հնչեց հենց ՀՀ առողջապահության նախարարի տեղակալ Артак Джумаян-ի կողմից: Մասնավորապես ներկայացվեց, որ պոլիկլինիկաների աշխատանքային գրաֆիկը փոփոխվելու է, ըստ որի` առավոտյան ժամը 8:00-ին կսկսվի լաբորատորիայի, իսկ ժամը 9:00-ին` պոլիկլինիկաների մնացած բաժինների աշխատանքը: Բուժանձնակազմը կաշխատի մինչև երեկոյան ժամը 19:00-ն` հերթափոխով: Շաբաթական մեկ անգամ նեղ մասնագետները կմնան հերթապահության` մինչև ժամը 19:00-ն:

«Բարեփոխումը» հիմնավորվում է նրանով ,որ քաղաքացիները հնարավորություն կունենան, առանց աշխատանքից բացակայելու, այցելելու իրենց սպասարկող պոլիկլինիկաները: <<Բարեփոխումները>> իրականացվելու են միայն Երևանի, Գյումրու և Վանաձորի պոլիկլինիկաներում, որը հիմնավորվում է տվյալ քաղաքներում պոլիկլինիկաների ավելի երկար աշխատանքի անհրաժեշտությամբ: Ելնելով վերոգրյալից ՀՀ առողջապահության նախարարությանը խնդրեցի պատասխանել երկու պարզ հարցերի՝

Որ՞ ամսաթվից սկսած են մեկնարկվելու <<բարեփոխումները>> Երևանի, Գյումրու և Վանաձորի պոլիկլինիկաներում:

Պարզվեց չգիտեն ....

Ինչ՞ մեթոդաբանությամբ և որ՞ ժամանակահատվածում է կատարվել բնակչության շրջանում կարիքների գնահատումը, որի արդյունքում ընտրվել են Երևան, Գյումրի և Վանաձոր քաղաքների պոլիկլինիկաները

Պարզվեց չգիտեն....

Դիմել էի ՀՀ Մարդու իրավունքների պաշտպան - Human Rights Defender of Armeniaին խնդրի ուսումնասիրման համար: Ի պատասխան Մարդու իրավունքների պաշտպանի հարցադրումներին՝ Հայաստանի Հանրապետության առողջապահության նախարարությունը պատասխանել է անկեղծ՝ <<բարեփոխումը>> գտնվում է քննարկման փուլում, ուսումնասիրում են իրավական դաշտը, որի արդյունքների մասին դեռ չգիտեն:

Ինչ է ստացվում՝ Հայաստանի Հանրապետության առողջապահության նախարարությունը մամուլով <<բարեփոխումների>> իմիտացիա է ստեղծում ՝ խաբելով Հայաստանի Հանրապետության բնակչությանը:

Հ.Գ. Կարծում եմ առողջապահության նախարարի տեղակալը առնվազն պետք է նորից ասուլիս կազմակերպի և բացատրի,թէ ինչու է խաբում այն ժողովրդին, որի հարկերից ստանում է աշխատավարձ և պարգևավճարներ»։