կարևոր
2812 դիտում, 8 ամիս առաջ - 2023-07-31 17:35
Քաղաքական

Հայաստանում կապիտուլյացիայի քարոզարշավին զուգահեռ մեկ այլ թշնամական քարոզարշավ է ընթանում․ Քրիստինե Վարդանյան

Հայաստանում կապիտուլյացիայի քարոզարշավին զուգահեռ մեկ այլ թշնամական քարոզարշավ է ընթանում․ Քրիստինե Վարդանյան

ՀՀ ԱԺ «Հայաստան» խմբակցության պատգամավոր, ՀՅԴ անդամ Քրիստինե Վարդանյանը գրում է.

«Գերեվարված Վագիֆ Խաչատրյանը ոչ թե ԱՄՆ-ի, ոչ թե ՌԴ-ի, այլ ՀՀ քաղաքացի է։

Ի՞նչ կաներ հայկական իշխանությունը նման պարագայում։

-Նախ մենք արդեն տեղյակ կլինեինք պետության ղեկավարի և Կարմիր Խաչի միջազգային կոմիտեի նախագահի այս թեմայով նվազագույնը հեռախոսազրույցի մասին

-ՀՀ ԱԳՆ բարձրաստիճան/ՄԻՊ պատվիրակությունն արդեն կլիներ Ժնևում՝ օպերատիվ կերպով իրավիճակը քննարկելու և հնարավոր ամեն բան ձեռնարկելու նպատակով

-Միջազգային մի քանի ազդեցիկ լրատվականներ արդեն անդրադարձած կլինեին հարցին, քանի որ պետությունը զբաղված կլիներ այդ խնդրով

-Արցախ ուղևորվող երեխաների հետ պատահած միջադեպից հետո դեպի Արցախ և Արցախից դեպի Երևան ուղևորվող անձանց հետ բացի միջազգային կազմակերպությունների անդամներից կլինեին նաև ճանչված հայկական պետության պաշտոնյաներ

Եվ տասնյակ այսպիսի այլ քայլեր, որոնք պետք է արվեն, քանի որ դու ունես պարտականություն, ոչ թե իրավունք պաշտպանելու քաղաքացիներիդ։

Անկախ բնակության վայրից ՀՀ յուրաքանչյուր քաղաքացու պաշտպանությունը ՀՀ իշխանության առաջնային պարտականությունն է։ Աշխարհում այլ պետություն պարզապես չկա, որն ունի հայ մարդուն պաշտպանելու առաջնային պարտականություն։

Սա գրում եմ, որովհետև Հայաստանում կապիտուլյացիայի քարոզարշավին զուգահեռ մեկ այլ թշնամական քարոզարշավ է ընթանում, որն արտահայտվում է «‎ով էլ լինի բան չի փոխվելու, նույնն է լինելու» թեզով»։