Ձեզ հայտնի՞ է Եվրոպայի որևէ երկիր, որտեղ ՄԻՊ ընտրվի դատախազը. Արծվիկ Մինասյանը՝ Մանասյանին

Ձեզ հայտնի՞ է Եվրոպայի որևէ երկիր, որտեղ Մարդու իրավունքների պաշտպան ընտրվի դատախազ, քննիչ կամ նման լիազորություններով պաշտոններ զբաղեցրած անձ։ Այս մասին ԱԺ հերթական նիստի ժամանակ դիմելով ՔՊ-ի կողմից առաջադրված ՄԻՊ թեկկնածու Անահիտ Մանասյանին՝ հարցրեց ԱԺ «Հայաստան» խմբակցության պատգամավոր Արծվիկ Մինասյանը:

«Եվրոպայի խորհրդի երկրներում, հատկապես այն երկրներում, որոնք ունենք ավանդական ժողովրդավարություն, դատախազությունը մեր սովետական ընկալմամբ մարմին չէ. դատախազությունը, քննչական համակարգը առաջին հերթին մարդու իրավունքների պաշտպանության բնագավառում ներկայացված մարմիններ պետք է լինեն: Չեմ ուսումնասիրել պրակտիկան, բայց չեմ կարծում, որ այն հակադրությունը, ինչպես խորհրդային մտածողություն ունեցող հասարակություններում է առկա, այդ հասարակություններում կլինի»,- արձագանքեց Մանասյանը: