կարևոր
3922 դիտում, 1 տարի առաջ - 2023-04-03 12:23
Քաղաքական

Երեկվա հոխորտանքներից հետո Ալեն Սիմոնյանն այսօր էլ փորձում է ներկայանալ զոհի կարգավիճակով. Իշխան Սաղաթելյան

Երեկվա հոխորտալուց հետո բնականաբար Ալեն Սիմոնյանը հասկացել է, որ հակառակ ազդեցությունն ունեցավ, այսօր էլ փորձում է ներկայանալ զոհի կարգավիճակով։ Այս մասին լրագրողների հետ զրույցում ասաց ՀՅԴ ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան Սաղաթելյանը։

«Գիտեք Ալեն Սիմոնյանն ու Նիկոլ Փաշինյանը պետք է մի բան հասկանան, լինի Երևանի կենտրոնում, թե Հայաստանի հեռավոր գյուղերում կամ Հայաստանի  սահմաններից դուրս մշտապես լինելու են արժանապատիվ քաղաքացիներ, ովքեր մշտապես հիշեցնելու են, թե ովքեր են իրենք և երկիրն ինչ օրի են հասցրել։ Իրենց բոլոր հակազդեցությունները, նման դեպքերին պատասխանելը բռնություններով՝ ինչպես երեկ տեղի ունեցավ, ինչպես ոչ օրինաչափ կերպով  այս պահին կալանքի տակ է գտնվում Մհեր Սահակյանը ունենալու է հակառակ ազդեցություն»,- ասաց նա։