Ինչո՞ւ են այսօր հանդիպել Ալեն Սիմոնյանն ու Հովհաննես Մովսիսյանը. 168.am

Այսօր ԱԺ փոխխոսնակ Ալեն Սիմոնյանի և «Ադեկվատ» միաբանության հիմնադիր Արթուր Դանիելյանի միջև ծեծկռտուքից տառացիորեն րոպեներ առաջ 168.am-ը տեղեկատվություն ստացավ, որ Ալեն Սիմոնյանը Բաղրամյան պողոտայում հանդիպում է կառավարության «Հանրային կապերի և տեղեկատվության կենտրոն» հայտնի ՊՈԱԿ-ի ղեկավար Հովհաննես Մովսիսյանի հետ։

Մեր աղբյուրի պնդմամբ, ով լսել է նրանց խոսակցությունից դրվագներ, Հովհաննես Մովսիսյանն Ալեն Սիմոնյանից աջակցություն է խնդրել ստեղծված իրավիճակից դուրս գալու համար։

Քննարկման թեման, ըստ մեզ հասած տեղեկությունների, եղել է իշխանության վարկանիշային անկման խնդիրը։ Քանի որ լուսանկար կամ տեսանյութ չունեինք, մենք չհրապարակեցինք լուրը, սակայն այժմ կարծես թե հաստատվում է լուրը, որ դեպքի պահին Ալեն Սիմոնյանի հետ եղել է Հովհաննես Մովսիսյանը։