06 05 2024
|
||
---|---|---|
EUR | ⚊ | 416.1 |
GBP | ⚊ | 486.4 |
GEL | ⚊ | 144.64 |
RUB | ⚊ | 4.23 |
USD | ⚊ | 387.32 |
Շիվելուչ հրաբխի ժայթքման հետեւանքով Ուստ-Կամչատսկի մարզկենտրոնում թույլ մոխիր է տեղացել, հայտնում է «Интерфакс»-ը՝ հղում տալով ՌԴ ԱԻՆ տարածաշրջանի գլխավոր վարչությանը։
«Շիվելուչ հրաբխից մոխրի արտանետման հետեւանքով Ուստ-Կամչատսկ գյուղում փոքր քանակությամբ մոխիր է թափվել», - ասվում է հաղորդագրության մեջ։
Գործակալության տվյալներով՝ Շիվելուչը, ժայթքելով ուշ երեկոյան եւ մոխրի սյուն է նետել ծովի մակարդակից մինչեւ 6,5 կմ բարձրության վրա։ Մոխիրը տարածվել է հրաբխից հարավ-արեւելք եւ արեւելք: Փրկարարները զբոսաշրջիկներին հորդորել են չայցելել շրջակայք։
Շիվելուչը Կամչատկայի ամենահյուսիսային գործող հրաբուխն է, որը գտնվում է Ուստ-Կամչատսկի շրջանի Կլյուչի գյուղից 45 կիլոմետր հեռավորության վրա, որտեղ ապրում է մոտ 5 հազար մարդ։ Սա Կամչատկայի ամենամեծ հրաբխային կառույցներից մեկն է։ Շիվելուչի գործունեությունը ակտիվացել է 2009 թվականի մայիսին։