Իսլանդական հրաբխի ժայթքումը ավիափոխադրումների դադարեցման պատճառ չի դառնա

Իսլանդիայի իշխանությունները փակել են իրենց օդային տարածքը Գրիմսվոտն հրաբխի ժայթքման պատճառով:

Երեկ մոխրի եւ ծխի սյունը հասել է 20 կմ բարձրության, սակայն այսօր ժայթման ինտեսիվությունը նվազել է մինչեւ 10-11 կմ:  Սպասվում է, որ մոխիրն այսօր կարող է հասնել Նորվեգիայի հյուսիս, ապա, եթե շաբաթվա ընթացքում հրաբխի ակտիվությունը չնվազի, մինչեւ Մեծ Բրիտանիա, Ֆրանսիայի արեւմուտք, նույնիսկ Իսպանիայի հյուսիս:

Փորձագետների կարծիքով` Գրիմսվոտնի ժայթքումը ավիափոխադրումների դադարեցման պատճառ չի դառնա, ինչպես եղավ 2010-ի գարնանը Էյաֆյատլայոկյուդլ հրաբխի ժայթքման ժամանակ. Գրիմսվոտնի մոխիրն ավելի խոշոր մասնիկներից է բաղկացած եւ չի վնասի ինքնաթիռների շարժիչները, քանի որ շատ արագ թափվում է գետնին: