Աթենքում հազարավոր մարդիկ դուրս են եկել ցույցի

Հունաստանի մայրաքաղաք Աթենքի կենտրոնում տեղի է ունենում բազմահազարանոց ցույց՝ կապված երկաթուղային վթարի հետ, որը խլել է 57 մարդու կյանք։

Հիշեցնենք, որ մարտի 1-ի կեսգիշերին մոտ Աթենքի և Սալոնիկի միջև՝ Լարիսա քաղաքից ոչ հեռու, ճակատային բախում է տեղի ունեցել բեռնատար և մարդատար գնացքների միջև, որոնք գտնվում էին նույն գծի վրա՝ նշում է «Ռիա Նովոստի» գործակալությունը:

Ձերբակալվել է Լարիսայի կայարանի ղեկավարը, ով, ըստ լրատվամիջոցների, ընդունել է իր մեղքը և ասել, որ սխալմամբ մարդատար գնացք է ուղարկել բեռնատար գնացքի հետ նույն գծով։ Կառավարությունը խոստանում է ամբողջությամբ հետաքննել աղետի պատճառները։